الاستثمار في تربية الدواجن من المشاريع التي لا تحتاج لمساحة كبيرة . و رأس مال يختلف حسب القدرة الانتاجية التي ستعتمدها و نظام التربية اللي غادي تشتغل به . لذلك كيبقى اختيار المشروع اللي يناسبنك هي الخطوة الأولى اللي خاصك تحسم فيها . في هاد المقال غادي نذكر ليك 4 مشاريع يمكن ليك تستثمر فيهم :
* الدجاج البلدي : فهو سلالة معروفة منذ القديم تتميز بكونها سلالة مقاومة للأمراض و للتغيرات المناخية مقارنة مع السلالات الأخرى. و تتمتع بجهاز مناعتي قوي وحتى الثمن ديالو في السوق طالع لأن الطلب عليه في ارتفاع مستمر.
* الدجاج الكروازي : هاد النوع كيشبه للدجاج البلدي في الشكل و الألوان. و لكنه حساس و غير مقاوم للتغيرات المناخية و الأمراض, لأن جهازه المناعي ضعيف, ولكن كيبقى اختيار جيد سواء في التسمين و لا إنتاج البيض لأن نسبة إنتاج البيض كتوصل ل 90%. المشجع في هذا النوع أن مدة التسمين كتكون قصيرة. و حتا الوزن كيتم تحديده من طرف المستهلك غالبا كيوصل ل 2.5 كيلوغرام.
* الدجاج الرومي : هاد النوع حساس جدا و عندو مناعة ضعيفة جدا لذلك فهو كيحتاج لاهتمام أكثر من الأنواع الأخرى. لكنه كيتميز بأوزان اللي ممكن توصل ليها في وقت قصير مقارنة مع الأنواع الأخرى و فيه كمية اللحم مزيانة.
* الديك الرومي : كتعتبر الديوك الرومية من الأطعمة الفاخرة اللي كتقدم على موائد الأعياد والمناسبات. و بسبب حجمه ووزنه وكمية لحمه بالتالي تعد تربية الديك الرومي أكثر ربحا من الدجاجة. و كيتعتبر مصدر مهم للبروتين الحيواني إذ كيعطي دهون أقل وكمية لحم أكبر.
بالنسبة للإنتاج الخاص بمشروع تربية الدواجن يمكن ليك تخدم سواء على :
- تسمين وإنتاج اللحم : كتم مرحلة التسمين على مرحلتين المرحلة الأولى الانطلاق و المرحلة الثانية النمو في هاد المرحلتين الكتكوت كيعيش بعيد على الأم ديالو و نتا لازم عليك توفر ليه المسكن المناسب ليه و التدفئة و الاضاءة والتغذية والحماية لأنه كيكون حساس و معرض للأمراض و نعطيوه برنامج وقائي صحي و تجهيز الكوري بكل الامكانيات و خاص يكون تتبع يومي من طرف المسؤول على التربية باش تحصل على أفضل إنتاج
- تتراوح مدة التسمين عند الدجاج البلدي مدة 20 أسبوع أي 05 أشهر . و تنقسم لمرحلتين : مرحلة الانطلاق اللي فيها 06 أسابيع و مرحلة النمو 14 أسبوع. أما الدجاج الكروازي مدة التسمين كتترواح بين 10 أسابيع الى 12 أسبوع أي من شهرين ونصف حتال 03 أشهر . و تنقسم لمرحلتين : مرحلة الانطلاق اللي فيها 04 أسابيع و مرحلة النمو 08 أسابيع . بينما تتراوح مدة التسمين عند الدجاج الرومي 06 أسابيع أي شهر ونصف . و تنقسم لمرحلتين : مرحلة الانطلاق اللي فيها 02 أسابيع و مرحلة النمو 04 أسابيع. مدة التسمين تختلف على حسب الأوزان اللي كيطلبها المستهلك.
- إنتاج بيض الاستهلاك : في هاد النظام خاصك تعرف دور برنامج الاضاءة في الإنتاج و الوزن اللي خاص يكون عند الدجاج طول مدة الإنتاج. بالنسبة للإنتاج هو كيبدا انطلاقا من الشهر السادس و فترة الإنتاج كتمشي من عام ونصف إلى عامين مع إنتاج كيوصل حتال 40% . و خاص يكون وزن الدجاجة مستقر في حدود 1.2 حتال 1.4 كيلوغرام . وخاص تكون الاضاءة 16 ساعة في اليوم بالنسبة للدجاج البلدي و الدجاج الكروازي نفس الحاجيات غير كاين اختلاف في برنامج التغذية وإنتاج البيض لمدة عام مع نسبة تتمشي 90%.
إنتاج البيض المخصب : في إنتاج البيض المخصب ضروري خاص يكون الفروج متواجد مع الدجاجات من أجل التخصيب. وخلال فترة تربية فالديوك كتكون منعزلة عن الإناث لأن برنامج التغذية ديالهم يكون مختلف عن الاناث. و كذلك الوزن ديال الذكور خاص يكون أكبر من الإناث مع احتفاظ الاناث طول مدة الإنتاج بوزن يتراوح بين 1،4 و 1،6 كيلوغرام.
مؤسسة دار الفلاح تقترح عليكم دورة تكوينية خاصة بتقنيات تربية الدواجن. باش تعرف جميع التفاصيل التقنية و المالية ديال هاد المشاريع و مراحل الإنتاج اللي خاصك تعتمدها في كل مشروع.
العربية 