تعرف على أهم مصادر الطاقة المتجددة في المغرب

تعرف على أهم مصادر الطاقة المتجددة في المغرب

الطاقات المتجددة هي الطاقات اللي كتجدد باستمرار عكس الوقود الأحفوري أو النفط الخام  اللي هما عبارة عن طاقة غير متجددة كتتحتاج ملايين السنين باش  تُنتج . و كاينين 5 الأنواع ديال الطاقات المتجددة :  

1 – الطاقة الهيدروكهربائية ( Energie hydraulique ) : 

هاد الطاقة  كتعتمد على مياه السدود   و الإنتاج كيختلف على حسب علو البرج  اللي تيشكل واحد الطاقة مائية. حيث يتم انتاج  طاقة حركية بفضل السرعة ديال تدفق المياه من البرج العالي إلى  البرج المنخفض. ثم تتحول هاد الطاقة المنتجة إلى  طاقة ميكانية بفضل التوربينات ثم إلى طاقة كهربائية عن طريق مولد كهربائي .  و في المرحلة الأخيرة كيتم تكييف هاد الطاقة عن طريق محول باش تصبح  قابلة للاستعمال بحال الطاقة اللي كاينة في الشبكة الكهربائية.

2 – الطاقة الريحية ( Énergie éolienne ) : 

هاد الطاقة مهمة في المغرب لأن سرعة الرياح  ما بين 6,5 إلى 10 متر في الثانية . في هاد نوع من الطاقة كيتم تحويل الطاقة الحركية للرياح الى طاقة كهربيائية في المرحلة الأولى . ثم كيتم تحويل الطاقة الحركية  للرياح عن طريق دوران عنفات الرياح إلى طاقة ميكانيكية ثم كيتم تحويلها إلى طاقة كهربائية عن طريق مولد كهربائي . و في المرحلة الأخيرة كيتم تكييف هاد الطاقة عن طريق محول باش تصبح  قابلة للاستعمال بحال الطاقة اللي كاينة في الشبكة الكهربائية …

3 – الطاقة الحيوية  ( Énergie biomasse ): 

هاد الطاقة كيتم إنتاجها من خلال المخلفات ديال  الحيوانات أو النباتات …  عن طريق ثلاث طرق : تحويل كيميائي أو  تحويل بيولوجي أو عن الاحتراق المباشر لإنتاج البيو غاز و صناعة الأسمدة الطبيعية،

4 – الطاقة الحرارية الأرضية  ( Énergie Géothermie ):  

هي الطاقة اللي كيتم استخراجها من  تحت الأرض حيث ترتفع درجة الحرارة بنسبة  2.7 درجة مئوية لكل 100 متر في العمق   ، هاد الطاقة نظريا، يمكن لها تغطي الحاجيات ديال العالم لمدة 100.000 سنة إلا أن عملية التحويل إلى طاقة كهربائية هي جد مكلفة بسبب عمليات الحفر اللي كتحاج 5 كلم في عمق  باطن الأرض على الأقل.

5- الطاقة الشمسية (Energie solaire )  : 

هاد التقنية كلشي ممكن يستثمر فيها حيث أقل تكلفة من الأنواع الأخرى اللي تكلمنا عليها من قبل بحيث  كتعتمد على الضوء و الحرارة ديال الشمس و كتحولها لطاقة كهربائية قابلة للاستعمال في الحياة اليومية ديالنا ، هاد الطاقة تتكون من جوج أنواع :   

الطاقة حرارية (Energie thermique)  : 

هي الطاقة اللي كيتم إنتاجها من خلال ألواح حرارية و  كنستعملوها في تسخين المياه (chauffage)  أو في نظام مكثف الحرارة لي كتشكل لينا ظغط مرتفع شي لي كيخلي توربينات كبيرة حجم دور وبالتالي إنتاج الطاقة الكهربائية  و هنا كنهدرو على نظام بحال محطة إنتاج الطاقة نور ورزازات لي فيها أنواع كثيرة من هاد مكتفات الحرارة .

الطاقة الكهربائية (Energie photovoltaique ) :

هي الطاقة اللي كيتم انتاجها عن طريق الضوء ديال الشمس ماشي الحرارة و اللي كنستعملوها في 4 ديال الأنظمة مختلفة : 

نظام الضخ الشمسي ( Pompage solaire ) 

النظام المرتبط بالشبكة الكهربائية  (ON GRID ) 

النظام المرتبط غير مرتبط بالشبكة الكهربائية  (OF GRID ) 

نظام  الهجين( Hybride)