إذا بغيتي تستثمر في مجال تربية الأبقار الحلوب خاصك تعرف الهيكلة ديال المصاريف و المبيعات و الأرباح اللي كتخلي لينا كل بقرة في الضيعة ديالنا.
بسبب موجة الغلاء اللي كاينة حاليا مصاريف الأعلاف كتمثل أكثر من 80 في المائة. بحيث كاينة البقرة اللي كتقام عليك بأكتر من 100 درهم في اليوم. خاصة إذا شريتي الاعلاف كلها من السوق غادي تقام عليك غالية.
هادشي علاش خاص نركزو على انتاج الاعلاف الخضراء و و التبن في الضيعة ديالنا. بحيث كتعتبر علف أساسي و كيتم استهلاكها بشكل كبير. اما بالنسبة للعلف المركب مكايمنش تتحكم فيه لأانه كيبقى علف مستورد خاص تفكر تنقص منو من خلال برنامج تغذية متوازن,
بالنسبة لانتاج الحليب في المتوسط هو 30 لتر لكل بقرة. و ثمن البيع يقدر يوصل ما بين 2 و 4 دراهم على حسب الشركة. يعني مجموع المبيعات اليومية هو 120 درهم تقريبا ،
و هذا مشكل كبير مع الشركات ديال الحليب غادي نهضرو عليه في النشور القادم …
يعني غادي تبقا لينا 20 درهم كربح صافي. الى كانو عندك 10 البقرات غادي يكون عندك 200 درهم في اليوم . زيادة على ذلك عندنا العجول الصغير اللي كتزاد في الضيعة. و اللي كتبقا حتا هي ربح صافي تيوصل تمن العجل مابين 7000 و 8000 درهم.
هاد الأرقام كتختلف على حسب الحجم ديال الضيعة و عدد القطيع و التقنيات المستعملة … هادشي علاش كاين اللي كيقوليك المشروع مربح حيث كيخسر شوية و كيربح بزاف. و كاين اللي كيقوليك المشروع فاشل حيث كيخسر بزاف و كيربح شوية.
لذلك اذا بغيتي تستثمر في البقر خاصك تقرا على المجال باش ما تخسر رأس المال … مؤسسة دار الفلاح كتقترح عليك المشاركة في دورة تكوينية حول تقنيات تربية الأبقار الحلوب
العربية 